Sorkar thuchhuah tarlan danin, National Sports Day hi hmun thumah hman niin sports item chi hrang hranga inel a ni a. Serchhip District chhunga Sports Association te bultumin intlansiak (3000kms) buatsaih a ni a.

He intlansiak hi Serchhip Sports Complex ah neih niin Laltlansanga IOC Veng chuan lawmman pakhatna a dawng a, lawmman pahnihna dawngtu chu Lalthatpuia Bazar Hnuai niin C. Lalhlimpuia P&E Veng chuan lawmman pathumna a dawng a ni.

Hei bakah hian Serchhip District Mizoram Upa Pawl ten inkawi (draught board) inelna an nei bawk a. Serchhip Boxing Hall ah item hrang hrang - Futsal, kalchhet leh shot-put te neih a ni bawk a.

National Sports Day lawmna hi SDO(S) Rebecca Laldinmawii Hrahsel chuan a hawng a, National Sports Day in a tum ber chu mipuiten hriselna ngaih pawimawh nachang an lo hriat thar nan te, nun dan hrisel zawk an lo zir theih nan te, huaisenna leh tumruhna te an lo neih thar theih nan a ni a ti a. Abel Lalawmawia chuan taksa insawizawi pawimawhzia sawiin Fitness Talk hun a hmang bawk.